None u Rwanda (avec grand M) rwaba ari igihugu cyavumwe?

Imibare y’Agateganyo y’Abaregwa mu Nkiko Gacaca Yaramenyekanye

Barakabakaba 700.000 (ibihumbi magana arindwi).

None u Rwanda (avec grand M) rwaba ari igihugu cyavumwe?

Nawe se....

Igihugu gituwe n'abicanyi basaga 700.000 (ibihumbi magana arindwi)...

Igihugu kiyoborwa n'umwicanyi wiyemerera ko yahitanye abandi bicanyi baruta ubwinshi abicanyi bakigituye kugeza amagingo aya! Tugenekereje twasanga n'abongabo basaga 700.000. Ni ukuvuga ko bose hamwe ari abicanyi basaga 1.400.001, abagihagaze bakaba basaga 700.001.

Buri mwicanyi afite byibuze abana 2, utabafite afite ababyeyi babiri cyangwa se umubyeyi umwe n'uwo bashakanye umwe!

Les pays ont les dirigeants qu'ils méritent. Ese ubundi abo bicanyi bose wabayobora ute utameze nka bo?

Nyamara birashoboka ko Paul Kagame ari we mutegetsi wenyine ubereye u Rwanda.

Imibare y’Agateganyo y’Abaregwa mu Nkiko Gacaca Yaramenyekanye
Jeanne D'Arc Umwana Kigali19/10/2006

Imibare y’agateganyo y’abaregwa mu nkiko Gacaca mu Rwanda, ni 694.614, ni ukuvuga 75 ku 100 by’abaregwa bose. Ibi byatangajwe n’Umunyamabanga Nshingwabikorwa ku rwego rw’igihugu w’inkiko Gacaca, Madamu Mukantaganzwa Domitille, ku wa 18 Ukwakira 2006, mu kiganiro n’abanyamakuru.

Madamu Mukantaganzwa yabwiye abanyamakuru ko iyo mibare yakusanyijwe mu nkiko z’utugali 6.300, mu gihe hagitegerejwe indi mibare izava mu tugali 2000; ibi bikavuga ko iyi mibare izahinduka ndetse ikaniyongera.

Ku bimaze kugerwaho kuva inkiko gacaca zatangira kuburanisha ku ya 15 Nyakanga 2006, abagizwe abere ni 2.546, abakatiwe igihano kiri hagati y’umwaka 1 kugeza ku myaka 7 ni 2.718, abakatiwe hagati y’imyaka 7 na 12 ni 3.616, abakatiwe hagati y’imyaka 12 na 15 ni 2.724, abakatiwe imyaka 25 kugeza kuri 30 ni 3.452.

Mu Kiganiro n’abanyamakuru bagarutse cyane ku bushobozi buke bw’inyangamugayo mu kuburanisha, ibibazo bya ruswa bivugwa muri zimwe mu nyangamugayo, ndetse hakaba hari izimaze gufungwa zizira ruswa, ibibazo by’abahunga batinya kuburana mu nkiko gacaca, n’ibindi.

Abanyamakuru kandi babajije Madamu Mukantaganzwa ku bijyanye n’itegeko rishya ritari ryasohoka rivuga ku isubikagihano, ni ukuvuga gukora igihano umuntu ari hanze ku bakatiwe n’inkiko gacaca, bagaragaza impungenge ku bihano bishobora kuba bito hakurikijwe uburemere bw’icyaha cya genocide abaregwa bakoze.

Imibare y'Agateganyo y'Abaregwa mu Nkiko Gacaca Yaramenyekanye

Barakabakaba ibihumbi 700